NE 
EN 
नेपालको पूर्वी हिमाली क्षेत्र सोलुखुम्बु जिल्लाको सदरमुकाम तथा सोलुदुधकुण्ड नगरपालिका अन्तर्गत वडा नं ५ सल्लेरीमा रहेको थेक्छेन पेमा छोलिङ गुम्बा विश्वको सर्बोच्च शिखर सगरमाथाको काखमा रहेको एक महायान बौद्ध परम्परामा आधारित बौद्ध गुम्बा(मन्दिर) तथा बौद्ध अध्ययन केन्द्र हो।
सोलुदुधकुण्ड नगरपालिकाका बिभिन्न गाउॅहरुमा गरिने र आकस्मिक आवश्यकताका बिभिन्न पूजा पाठहरु र सम्पूर्ण धार्मिक कृयाकलापहरुमा यही गुम्बा अन्तर्गत रहेका भिक्षुहरुले सेवा प्रदान गर्दै आएका छन्। यस गुम्बामा हाल बिद्यार्थीहरु सहित जम्मा २५ जना लामाहरु अटुट सिद्ध र सुद्ध बौद्ध महायान परम्परा अनुसारको बौद्ध शिक्षाको अध्ययन र अध्यापन पनि सन्चालनमा छ। सर्वसाधारणको लागि पनि नियमित रुपमा बौद्ध कक्षाहरु बिहान ०४ः३० बजे देखि नै सन्चालन हुने भएकोले अहिले सम्म ठुलै संख्यामा नगरबासीहरुले बौद्ध शिक्षा हासिल गरेका छन्।
बि.सं. २०५०मा शुरु भई २०५२मा स्थापना पश्चात २०५८मा आधिकारिक रुपमा दर्ता भएको यो गुम्बा २०८३मा आफ्नो आधिकारिक दर्ता भएको २५ बर्ष भएको उपलक्ष्यमा रजत जयन्ती तथा बिभिन्न कार्यक्रम मनाउने तयारी गर्दैछ।
आगामी दिनहरुमा गुम्बाले सामुदायिक स्वास्थ्यमा योगदान पुर्याउन Monasteries for Community Health भन्ने अभियान अन्तरगत सामुदायिक स्वास्थ्य संबन्धी काम अघि बढाउदैछ। त्यस अन्तरगत सल्लेरी स्थित कारागार तथा बिभिन्न बिद्यालयहरुमा विपस्यना ध्यान सम्बन्धी ज्ञान दिनका साथै सोलुदुधकुण्ड नगरपालिकाका नागरिकहरुलाई सहयोग पुग्ने गरी बौद्ध बिद्वानहरुको प्रवचन कार्यक्रमको आयोजना गर्नुको साथै बिद्यार्थी र युवाहरुको सकृय सहभागिता वाह्य खेलाडी र पर्यटकहरुलाई आमन्त्रित गर्ने अन्तर्राष्ट्रिय सहभागितामा सन २०२५ देखि एक सागादावा मोनास्ट्री माउन्टेन म्याराथोनको पनि आयोजना गर्ने कार्यक्रम राखेको छ ।
गुम्बाले निकट भविष्यमा नै एक शेर्पा कल्चर एण्ड आर्ट सेणटर नामक सामुदायिक भवन निर्माण गर्नुको साथै पर्यटकहरु भित्राउने लक्ष्यमा एक लुम्विनि गार्डेन समेत निर्माण गरी सल्लेरी बासीहरुको जीवनको गुणस्तर बृद्धि गर्ने अवधारणा प्रस्तुत गर्दै निर्माणको पहल गर्दैछ ।
यसरी गुम्बा समाजको अविछिन्न अंगको रुपमा स्थापित हुदै बिभिन्न कार्यक्रमका साथ सोलुदुधकुण्ड नगरबासीहरुको सेवामा लागि पर्दै संयक संबुद्ध भगवान गौतम बुद्धले सिकाउनुभएका बुद्ध बचनहरुलाई सर्वसाधारण सम्म पुर्याई संसारिक दुखबाट सबैलाई तार्न अविरल लागि पर्नेछ। यस पवित्र काममा सबैबाट सहयोग र हातेमालोको अपेक्षा गर्दछौं ।
हाम्रो इतिहास
२०५०
गुम्बा निर्माणको सुरुवात
सल्लेरीमा बौद्ध धर्म र संस्कृतिको संरक्षण र प्रवर्द्धनको लागि गुम्बा निर्माणको योजना बनाइयो।
२०५२
गुम्बाको स्थापना
थेक्छेन पेमा छोलिङ गुम्बाको औपचारिक स्थापना गरियो र प्रारम्भिक धार्मिक गतिविधिहरू सुरु भए।
२०५८
आधिकारिक दर्ता
गुम्बा आधिकारिक रूपमा नेपाल सरकारमा दर्ता भयो र विधिवत रूपमा मान्यता प्राप्त गर्यो।
२०६५
बौद्ध शिक्षा केन्द्रको स्थापना
गुम्बा परिसरमा बौद्ध शिक्षा केन्द्रको स्थापना गरियो, जहाँ नियमित रूपमा बौद्ध दर्शन र अभ्यासको शिक्षा दिन थालियो।
२०७०
गुम्बा विस्तार
बढ्दो आवश्यकता अनुसार गुम्बा परिसरको विस्तार गरियो र नयाँ भवनहरू निर्माण गरिए।
२०७५
अन्तर्राष्ट्रिय सम्बन्ध विस्तार
विभिन्न देशका बौद्ध संस्थाहरूसँग सम्बन्ध स्थापना गरी अन्तर्राष्ट्रिय स्तरमा गुम्बाको पहिचान बढाइयो।
२०८३
रजत जयन्ती
गुम्बा स्थापनाको २५ वर्ष पूरा भएको उपलक्ष्यमा रजत जयन्ती समारोह आयोजना गर्ने योजना।
हाम्रो नेतृत्व
प्रमुख लामा फुर्वा शेर्पा (प्रमुख लामा)
प्रमुख लामा फुर्वा शेर्पाले धेरै वर्षदेखि गुम्बाको आध्यात्मिक नेतृत्व गर्दै आउनुभएको छ। उहाँले तिब्बतको प्रसिद्ध बौद्ध विश्वविद्यालयमा शिक्षा हासिल गर्नुभएको छ र बौद्ध दर्शन र अभ्यासमा विशेष ज्ञान राख्नुहुन्छ।
९८१८३९०९१९
ई. तेन्जी शेर्पा (अध्यक्ष)
ई. तेन्जी शेर्पा गुम्बा व्यवस्थापन समितिका अध्यक्ष हुनुहुन्छ। उहाँले इन्जिनियरिङ क्षेत्रमा लामो अनुभव राख्नुहुन्छ र गुम्बाको भौतिक विकास र निर्माण कार्यमा महत्त्वपूर्ण भूमिका निर्वाह गर्नुभएको छ।
९८४९४४१२३५
ङिमा तेन्डुप शेर्पा (सचिव)
ङिमा तेन्डुप शेर्पा गुम्बा व्यवस्थापन समितिका सचिव हुनुहुन्छ। उहाँले गुम्बाको दैनिक प्रशासनिक कार्य र समन्वयको जिम्मेवारी सम्हाल्नुहुन्छ। उहाँ समुदाय र गुम्बाबीच सम्बन्ध स्थापना गर्न सक्रिय हुनुहुन्छ।
९८५१०६७९९७
हाम्रो लक्ष्य
थेक्छेन पेमा छोलिङ गुम्बाको लक्ष्य बौद्ध धर्म, दर्शन र संस्कृतिको संरक्षण, प्रवर्द्धन र प्रचार गर्नु हो। हामी बौद्ध शिक्षा र अभ्यासलाई सबैका लागि सुलभ बनाउन प्रतिबद्ध छौं, जसले व्यक्ति र समाजमा शान्ति, करुणा र ज्ञानको विकास गर्न मद्दत गर्दछ।
हाम्रो दृष्टिकोण
हाम्रो दृष्टिकोण सोलुखुम्बु क्षेत्रमा बौद्ध शिक्षा र अध्यात्मिक अभ्यासको प्रमुख केन्द्र बन्नु हो, जहाँ स्थानीय समुदाय र विश्वभरका आगन्तुकहरूले बौद्ध ज्ञान र अभ्यासबाट लाभ लिन सक्छन्। हामी आध्यात्मिक विकास र सामाजिक सेवाको माध्यमबाट समाजमा सकारात्मक परिवर्तन ल्याउन चाहन्छौं।
हाम्रा मूल्यहरू
करुणा
सबै प्राणीहरूप्रति दया र करुणाको भावना राख्ने र उनीहरूको दुःख कम गर्न प्रयास गर्ने।
ज्ञान
बौद्ध दर्शन र शिक्षाको गहन अध्ययन र अभ्यास गरी आत्मज्ञान प्राप्त गर्ने।
सेवा
समुदाय र समाजको सेवामा समर्पित रहने र सबैको कल्याणको लागि कार्य गर्ने।
शान्ति
आन्तरिक र बाह्य शान्तिको प्रवर्द्धन गर्ने र सद्भाव कायम राख्ने।
समानता
सबै व्यक्तिहरूलाई समान रूपमा व्यवहार गर्ने र भेदभावरहित समाजको निर्माण गर्ने।
संरक्षण
बौद्ध संस्कृति, परम्परा र वातावरणको संरक्षण र सम्वर्द्धन गर्ने।
हाम्रो यात्रामा सहभागी हुनुहोस्
थेक्छेन पेमा छोलिङ गुम्बाको विकास र बौद्ध शिक्षाको प्रचार प्रसारमा सहयोग गर्न चाहनुहुन्छ? हामीसँग जोडिनुहोस् र यस महत्त्वपूर्ण कार्यमा आफ्नो योगदान दिनुहोस्।
दानपुण्यको लागि बटन क्लिक गर्नुहोस्
